Quantcast
Channel: Ekonomi – Gazeta Mapo
Viewing all articles
Browse latest Browse all 2663

Gjiknuri: U japim fund afrofeve deri në qershor

$
0
0

Damian GjiknuriMinistri Damian Gjiknuri deklaroi dje se fushata e investimeve në periferi të kryeqytetit po shoqërohet edhe me përmbushjen e objektivit për heqjen e faturimeve afrofe, brenda qershorit të këtij viti. Inaugurohet investimi 1.7 miliardë lekë

Ministri i Energjetikes Damian Gjiknuri, premtoi sërish fundin e afrofeve dhe pajisjen me matës energjikë të të gjithë banorëve.

Gjiknuri e dha këtë premtim ndërsa i shoqëruar nga administratori i OSHEE-së z. Adrian Çela inauguruan investimet që po kryhen në zonën e Bathores, Paskuqanit dhe Babrrusë në Tiranë.

Vlera totale e investimit shkon në 1.7 miliardë lekë, ndërsa parashikohet të përfitojnë cilësi më të mirë shërbimi me energji 80 mijë banorë të këtyre zonave.

Investimi përfshin ndërtimin e 128 kabinave të reja dhe vendosjen e 3500 shtyllave. OSHEE po shtron 379.5 kilometër linjë të re, prej të cilave 173.7 km janë linjë nëntokësore 20 kilovolt dhe 205.8 km linja ajrore ABC.

Ministri Gjiknuri deklaroi se fushata e investimeve po shoqërohet edhe me përmbushjen e objektivit për heqjen e faturimeve afrofe.

“Vetëm në periudhën e fundit, në Tiranë janë instaluar mbi 6700 matës dhe ka mbetur edhe një pjesë tjetër për të përfunduar plotësisht. Vetëm në këtë zonë, me këtë investim, janë instaluar mbi 500 matës familjarë. Qytetarë që deri dje paguanin afrofe ose ndonjëherë nuk paguanin fare, tanimë kanë matësit e rinj”, u shpreh z. Gjiknuri.

Ai sqaroi se ky objektiv do të përmbushet brenda muajit Qershor, kohë kur do të hiqet plotësisht faturimi afrofe.

“Të gjithë konsumatorët shqiptarë do të kenë matës. U bëj thirrje qytetarëve të mbështesin autoritetet, të mbështesin Operatorin e Shpërndarjes kur vijnë për instalimet. Ka pasur një mungesë dëshire nga qytetarët për vendosjen e këtyre matësve. Këto janë shkelje të ligjit dhe nuk do të falen, do të penalizohen. Është e rëndësishme që të gjithë qytetarët të tarifohen dhe të paguajnë energjinë që konsumojnë sipas matjes së rregullt që e bëjnë këta matës. Realisht ky është qëllimi. Pra, për të qenë të gjithë të barabartë përpara ligjit dhe për t’iu ardhur në ndihmë vetë konsumatorëve të energjisë elektrike”, nënvizoi z. Gjiknuri.

Duke sqaruar investimet e bëra në zonën e Bathores, Babrrusë dhe Paskuqanit, administratori i OSHEE tha se ishim në një situatë ku 70% e kabinave të ndërtuara nga vetë banorët, ishin jashtë të gjitha kushteve teknike.

“Në Qershor të vitit 2015 nisëm një investim prej 1.7 miliardë lekësh, të ndarë në 6 lote. Në 4 prej këtyre loteve investimi ka përfunduar. Tani jemi në 95% të punimeve dhe 2 lotet e fundit përfundojnë në fillim të Majit. Do të shmangen mundësitë e abuzimit nga ana e banorëve, që deri para disa kohësh këtu kanë qenë të theksuara. Do të marrin furnizim më të mirë, por do të jenë të detyruar dhe t’i përgjigjen kompanisë dhe me pagesa të rregullta të energjisë, në mënyrë që kompania, këtë investim që ka bërë t’i kthehet mbrapsht financiarisht”, u shpreh Çela.


Viewing all articles
Browse latest Browse all 2663