Buxheti rikthim me këmbë në tokë, të ardhurat për 2016 rritje me 6%

Duke marrë në konsideratë zhvillimet zhgënjyese në të ardhurat buxhetore të këtij viti, qeveria është treguar me moderuar në parashikimet për vitin që vjen.

Projektbuxheti i 2016 është ravijëzuar në treguesit kryesore, të cilat do të jenë objekt i konsultave dhe ndryshimeve të mëtejshme deri në miratimin nga Kuvendi në vjeshtë vonë.

Mirëpo sipas të dhënave të fundit që janë inkuadruar në programin e ri ekonomik të ardhurat buxhetore për vitin që vjen pritet të rriten me 6 për qind ose më pak se, gjysma e ritmeve të rritjes së parashikuar në buxhetin fillestar të këtij viti.

Parashikimet e qeverisë duken me të logjikshme duke parë se, të ardhurat në fund të periudhës shtatëmujore janë vetëm 5 për qind më të larta se një vit më parë edhe pse ndikimin të lartë dhanë të ardhurat jotatimore 18 miliardë lekë (nga shitja e licensave 4G) të cilat do të mungojnë vitin që vjen.

Por gjithsesi me një rritje ekonomike që parashikohet 2.9% më 2016, pjesa tjetër e të ardhurave mbi 3.1 % do të ndahet ndërmjet mirëadministrimiti fiskal dhe politikave të reja të taksave.

Rritje më të larta janë parashikuar dhe tatimin mbi të ardhurat dhe TVSH-në përkatësisht me 6.9 % dhe 8.2%.

Qeveria pret të grumbullojë 21 për qind më shumë të ardhura nga pushteti vendor dhe pret të arkëtime 23% më të ulta nga të ardhurat jotatimore.

Megjithë vështirësitë për të rritur të ardhurat në nivelin e pritshmërive, Shqipëria ka ende hapsira të pashfrytëzuara në drejtim të administrimit fiskal, pasi rendimenti i arkëtimeve në raport me PBB është10 për qind më i ulët se, mesatarja rajonale.