“Bien të ardhurat personale e sigurimet”
Prej dy mujash të ardhurat në buxhet janë në rënie. Sipas të dhënave të ministrisë së Financave të ardhurat e arkëtuara në muajin prill ishin 8% më të ulëta se shuma e planifikuar në fillim të vitit dhe rreth 1% më pak se e njëjta periudhë e një viti më parë. Nga gati 37 miliardë lekë të pritura, janë vjelë nga taksat vetëm 34 miliardë lekë.Ky është muaji i dytë me performancë negative për arkën e shtetit, pas marsit, kur të ardhurat ranë 3.5% krahasuar me një vit më parë.
Uljen më të madhe sipas fianncave e ka shënuar, tatimi mbi të ardhurat personale, taksa mbi pasurinë e të ardhurat nga sigurimet shoqërore.
Në total të ardhurat për katër muaj janë më të larta se e njëjta periudhe e vitit të kaluar, por shqetësuese është ecuria muaj pas muaji.
Pavaresisht optimizmit te Ministrise se Financave per mbarevajtjen e investimeve dhe eksporteve, aktiviteti i tkurrur i shumë kompanive të mëdha paralajmëron se buxheti do ta ketë të vështirë të sigurojë të ardhurat e pritura./ABC