Disa ditë më parë, në një intervistë televizive, ministri i Ekonomisë Arben Ahmetaj premtoi se brenda dy javësh, monopoli i fluturimeve do t’i hiqej kompanisë gjermane që administron aeroportin ndërkombëtar “Nënë Tereza”.
Sot ka mbërritur edhe reagimi i aeroportit.
“Aeroporti Ndërkombëtar i Tiranës vijon negociatat me Qeverinë Shqiptare në lidhje me Kontratën e Koncesionit. Një marrëveshje përfundimtare ende nuk është arritur, por në respekt të këtyre negociatave, TIA e gjykon të arsyeshme të shprehet publikisht vetëm në momentin e duhur”, tha Arlinda Çausholli, Drejtoreshë e Komunikimit të Aeroportit Ndërkombëtar të Tiranës.
