Dy kroçiera gjigande janë ankoruar në bregdetin e Sarandës, mëngjesin e sotshëm.
Qytetarëve dhe turistëve në shëtitore e plazh u ka tërhequr vëmendjen madhështia e tyre dhe i kanë fotografuar.
Turistët që lundrojnë anembanë botës me të tillë mjete lundrimi jo rrallë po e kthejnë vështrimin nga Saranda, me kuriozitetin për ta vizituar e njohur atë.
Ndërkohë, të premten u ankorua në Portin e Durrësit një nga jahtet më luksoze, Kingdom 5KR.
Ky jaht është në pronësi të Princit Alwaleed Bin Talal Alsaud, biznesmen, filantropist saudit dhe anëtar i familjes mbretërore saudite.