Aeroporti Ndërkombëtar “Nënë Tereza” në Tiranë, kalon zyrtarisht në duart e kinezëve. Dy kompani pjesë e ”China Everbright” (“Keen Dynamics Limited” (KLD) dhe “Friedmann Pacific Assets Management Limited”), kanë njoftuar zyrtarisht nënshkrimin e marrëveshjes me konçensionarin gjerman të Rinasit.
Negociatat kishin nisur kohë më parë. Pas blerjes së “Bankers Petroleum”, kinezët shtojnë prezencën e tyre në Shqipëri edhe me këtë investim.
Aeroporti i Rinasit është i vetmi në vend që deri më tani ka pasur ekskluzivitetin e fluturimeve.
Pas negociatave me konçensionarin gjerman, qeveria shqiptare arriti të hiqte klauzolën për ekskluzivitetin, duke i hapur rrugë vënies në funksionim të aeroportit të Kukësit.
Ende nuk është bërë me dije për vlerën e këtij transaksioni, por jo zyrtarisht mësohet se kinezët e blenë Rinasin për 90 milionë dollarë.
