Mund të shohësh me qindra shkrime këto orët e fundit nga agjencitë më të njohura në botë, që flasin për vizitën e Angela Merkel në rajonin e Ballkanit Perëndimor.
Shumë agjenci e lidhin këtë vizitë me zhvillimet e fundit në Greqi.
“Destabilizimi i Greqisë sjell turbulenca në mbarë Ballkanin,” tha një zyrtar i qeverisë gjermane për Bloomberg.
“Një shtet i dështuar në kufirin e Europës mund të ketë pasoja të rënda në një Ballkan edhe kështu të paqëndrueshëm,” thotë Famke Krumbmueller, një analist me bazë në Londër.
“Greqia është si një spirancë stabiliteti në Ballkan,” thekson ish-ministri i Jashtëm gjerman, Joschka Fischer.
Meqë të gjithë gjërat rrotullohen rreth ekonomisë, Bloomberg jep një shifër për të theksuar se sa larg BE-së jemi ekonomikisht.
“Ka shumë gjëra për të bërë. Krocia, anëtari më i ri i BE pas anëtarësimit në vitin 2013, ka një ekonomi më të vogël se Luksemburgu, pavarësisht se ka një popullsi nëntë herë më të madhe. Shqipëria gjeneroi vitin e shkuar një Produkt të Brendshëm Bruto prej 10 miliardë euro, sa një e pesta e Kroacisë”.